Տեսլական

Մեր տեսլականն է Վերածնված Հայաստանը, որը կդառնա աշխարհասփյուռ հայության շահերի հատման կետ: Հայ ժողովրդին, որը պատմական հանգամանքների բերումով սփռված է աշխարհով մեկ, կոչ ենք անում համախմբվել ազգային պետության շուրջ՝ հայրենադարձության և երկրի կառուցման գործում, աջակցել Հայաստանին գոյության մեծ պայքարում և հայ ժողովրդի հարյուրավոր սերունդների՝ հզոր ու անկախ ազգային պետություն ստեղծելու ձգտման գործում:

Հայաստանի գլխավոր արժեքը քաղաքացիների տաղանդն ու աշխատասիրությունն է, իսկ պետության կարևորագույն գործառույթը՝ յուրաքանչյուր հայի ունակությունների ազատ իրացման և անհատի զարգացման համար պայմանների ստեղծումը, ինչպես նաև քաղաքացու իրավունքների պաշտպանությունը և բարեկեցության մակարդակի բարձրացումը։

Վերածնված Հայաստանն իրապես վարելու է ինքնիշխան արտաքին քաղաքականություն՝ ելնելով պետության և նրա քաղաքացիների շահերից։

Նման քաղաքականության գլխավոր գրավականը լինելու է արդիականացված զինված ուժերը՝ մեր երկրի անվտանգության երաշխավորը։

Վերածնված Հայաստանն ի վիճակի է լինելու արձագանքելու ցանկացած ժամանակակից մարտահրավերի և պաշտպանելու իր քաղաքացիներին ինչպես Հայաստանում, այնպես էլ նրա սահմաններից դուրս։

Մենք շեշտը դնում ենք Հայաստանի Վերածնվող տնտեսության վրա, որի ազատ գործունեությունը յուրաքանչյուրիս տալիս է սովորելու, աշխատելու, զարգանալու հնարավորութուն:

Վերածնվող Հայաստան կուսակցության նպատակն է վերածնել սերը աշխատանքի հանդեպ, որը գենետիկորեն դրված է յուրաքանչյուր հայի մեջ, ինչպես նաև յուրաքանչյուրին ապահովել արժանապատիվ վարձատրությամբ։ Մենք վերակերտելու ենք ուժեղ պետություն, որը կհոգա իր այն քաղաքացիների մասին, որոնք ի վիճակի չեն հարմարավետ կյանքի պայմաններ ստեղծելու՝ առողջության, տարիքի և այլ օբյեկտիվ պատճառներով:

Մենք վերածնելու ենք կրթության լավագույն ավանդույթները՝ հիմնված ազգային արժեքների և հայկական մշակույթի նկատմամբ հարգանքի վրա, միևնույն ժամանակ չանտեսելով ժամանակակից տեխնոլոգիաների զարգացումը և գիտական ​​նվաճումները:

Վերածնված Հայաստանը բաց կլինի հայրենադարձության և հայոց աշխարհի օջախների վերականգնման համար։ Կուսակցությունը ջանքեր կգործադրի երկրի զարգացման համար՝ ի շահ իր բոլոր բնակիչների։ Վերածնված Հայաստանը հիմնված կլինի ազատության, արդարության և խաղաղության սկզբունքների վրա, կապահովի իր բոլոր քաղաքացիների քաղաքացիական և քաղաքական լիարժեք հավասարությունը՝ առանց կրոնի, ռասայի կամ սեռի խտրականության, ինչպես նաև հավատքի, խղճի, լեզվի, կրթության և մշակույթի ազատությունը: